Негізгі

Жаңалықтар

Тамақтану

Оқушыға

Ұстазға

Ата-анаға

Тіркелу

Наурыз – жаңару мен бірліктің мерекесі

Жарияланды Бейсенбі, 19 Наурыз 2026 11:15

Мектебімізде ұлыстың ұлы күні – Наурыз мейрамы кең көлемде аталып өтті. Бұл күні мектеп іші ерекше мерекелік көңіл-күйге бөленіп, ұлттық дәстүрлеріміз дәріптелді.

Оқушылар мен ұстаздар ұлттық киім киіп, қазақ халқының салт-дәстүрлерін сахналап көрсетті. Әсем ән айтылып, күмбірлеген күй шертіліп, ұлттық ойындар ұйымдастырылды. Әр сынып өз өнерлерін ортаға салып, мерекенің сәнін келтірді.

Шара барысында қонақжайлылық пен бірлік, татулық құндылықтары кеңінен насихатталды. Дастархан жайылып, ұлттық тағамдар ұсынылды. Әсіресе, наурыз көже мерекенің ажырамас бөлігіне айналды.

Бұл мереке баршаға көтеріңкі көңіл-күй сыйлап, ұлттық рухты асқақтатты.

Ұлыс оң болсын,
Ақ мол болсын! ✨

«Жас өрендер алаңы» театр фестивалі

Жарияланды Бейсенбі, 19 Наурыз 2026 10:10

Мектебімізде «Жас өрендер алаңы» атты театр фестивалі жоғары деңгейде өтті. Аталған шара оқушылардың шығармашылық қабілеттерін дамытуға, өнерге деген қызығушылығын арттыруға бағытталды.

Фестиваль барысында әр сынып өз өнерлерін ортаға салып, түрлі қойылымдар көрсетті. Оқушылар сахна мәдениетін, актерлік шеберліктерін көрсетіп, көрермендерге ерекше әсер сыйлады. Әр қойылымның мазмұны терең, тәрбиелік мәні зор болды.

Шара барысында қатысушылардың таланты мен еңбегі жоғары бағаланып, үздік өнер көрсеткен оқушылар марапатталды. Бұл фестиваль жас өнерпаздардың өздерін көрсетуіне үлкен мүмкіндік берді.

Осындай мәдени іс-шаралар оқушылардың жан-жақты дамуына ықпал етіп, өнерге деген сүйіспеншілігін арттыра түседі.

8 Наурыз Халықаралық әйелдер күні!

Жарияланды Сейсенбі, 10 Наурыз 2026 11:24

8 наурыз – Халықаралық әйелдер күніне орай мектебімізде «Ана жайлы…» атты мерекелік концерт ұйымдастырылды. Бұл кеш аналар мен ұстаздарға деген құрмет пен алғысты білдіруге арналды.

Мерекелік іс-шараға мектеп мұғалімдері, оқушылары қатысты. Концерт барысында оқушылар аналар туралы әсерлі өлеңдер оқып, әсем әндер орындады. Сонымен қатар, би билеп, шағын көріністер қойып, көрермендерге көтеріңкі көңіл-күй сыйлады.

Әсіресе, анаға деген махаббат пен құрметті жеткізген жылы сөздер мен жүрекке жететін әндер көрермендердің көңілін толқытты. Оқушылар аналардың еңбегін, мейірімін және өмірдегі ерекше орнын атап өтті.

Іс-шара соңында мектеп әкімшілігі барлық аналар мен ұстаздарды мерекемен құттықтап, оларға зор денсаулық, бақыт және отбасыларына амандық тіледі.

Осындай тәрбиелік мәні зор кештер оқушыларды үлкендерді құрметтеуге, ананы қадірлеуге тәрбиелейді. Мерекелік концерт барша қатысушыларға ерекше әсер қалдырды.

Республикалық ғылыми жоба конкурсының жүлдегерлерін қарсы алу рәсімі өтті

Жарияланды Дүйсенбі, 23 Ақпан 2026 08:25

Республикалық ғылыми жоба конкурсының жүлдегерлерін қарсы алу рәсімі өтті

Мектебімізде республикалық ғылыми жоба конкурсында жүлделі орын алған оқушыларды салтанатты қарсы алу рәсімі жоғары деңгейде ұйымдастырылды. Білім додасында топ жарған шәкірттеріміз ел намысын қорғап, үлкен жетістікке қол жеткізді.

Салтанатты шараға мектеп әкімшілігі, ұстаздар және оқушылар қатысты. Мектеп директоры жеңімпаздарды құттықтап, олардың табандылығы мен еңбегін ерекше атап өтті.

1 орын-Жаналиева Гүлбану

Пән мұғалімі: Темирханова Әлия Бекешқызы

3 орын-Дарханқызы Аружан

Пән мұғалімі: Айтжанова Айнагүл Есенқызы

Құттықтаймыз!

"Екі жұлдыз" байқауы

Жарияланды Жұма, 20 Ақпан 2026 09:19

Мектебімізде «2 Жұлдыз» байқауы ұйымдастырылып, оқушылар мен ұстаздардың өнерге деген сүйіспеншілігін тағы бір мәрте дәлелдеді.

Байқауға әр сыныптан құралған жұптар қатысты. Әр жұп сахнада өз өнерлерін көрсетіп, көрермендерге көтеріңкі көңіл-күй сыйлады. Қатысушылар заманауи және халық әндерін орындап, сахналық мәдениетімен, дауыс ерекшелігімен және үйлесімділігімен көзге түсті.

Қазылар алқасы өнерпаздардың вокалдық шеберлігіне, сахнада өзін ұстауына, шығармашылық жаңашылдығына ерекше мән берді. Әрбір жұп тыңғылықты дайындықпен келгені көрініп тұрды. Көрермендер де қатысушыларға ыстық ықылас білдіріп, зор қолдау көрсетті.

Байқау соңында жеңімпаздар арнайы марапаттармен және дипломдармен марапатталды.

«2 Жұлдыз» байқауы мектебіміздің мәдени өміріндегі жарқын оқиғалардың бірі болып есте қалды. Осындай шаралар оқушылардың талантын ашып, шығармашылық қабілетін дамытуға үлкен мүмкіндік береді

Бүгін 8-11 сынып оқушыларына лекция өткізілді

Жарияланды Жұма, 06 Ақпан 2026 12:51

Бүгін мектебімізде 8-11 сынып оқушылары үшін жасөспірімдер істері жөніндегі учаскелік инспектор лейтенант Абдрахилова Дильноз Бахтияровна және учаскелік инспектор Сапаров К.К. лекция өткізді.

Лекция барысында инспекторлар оқушыларға құқықтық тәртіптің маңызы, заңға бағыну, жеке қауіпсіздікті сақтау және интернеттегі қауіпсіздік туралы айтып берді. Сондай-ақ, зорлық-зомбылыққа қарсы іс-қимыл және құқық бұзушылықтың алдын алу жолдарына тоқталды.

Оқушылар өздерін қызықтырған сұрақтарды қойып, нақты жауаптар алды. Мұндай кездесулер жасөспірімдерге жауапкершілік сезімін арттыруға және дұрыс шешім қабылдауға көмектеседі.

«Жұмабек және жер майданы»

Жарияланды Сейсенбі, 27 Қаңтар 2026 09:29

Бүгін мектебімізде «Жұмабек және жер майданы» кітабы желісі бойынша 11-сынып оқушыларының қатысуымен жиын өтті. Жиын барысында оқушылар Жұмабек Тәшенев туралы тың деректермен бөлісті. Арыстан жүректі тұлғаның ел мүддесі үшін атқарған ерліктері кеңінен айтылды. Бұл тағылымды жиынды мектебіміздің тарих пәнінің мұғалімі Арайлым Өкеновна жүргізді.