«Кен байлығы – жерде, сөз байлығы – елде» атты мақал-мәтел мен шешендік өнер байқауы

 «Кен байлығы – жерде, сөз байлығы – елде» атты мақал-мәтел мен шешендік өнерге арналған байқау жоғары деңгейде өтті. Аталған шараның мақсаты – оқушылардың тіл байлығын арттыру, ұлттық құндылықтарды дәріптеу және шешендік өнерге деген қызығушылығын дамыту болды.

Байқау барысында қатысушылар мақал-мәтелдерді мәнерлеп айтып, олардың мағынасын түсіндіріп, шешендік сөздер арқылы өз ойларын еркін жеткізе білді. Әрбір оқушының сахнадағы сенімділігі мен тілдік шеберлігі көрермендер мен қазылар алқасының жоғары бағасына ие болды.

Сайыс қорытындысы бойынша үздік нәтиже көрсеткен оқушылар жүлделі орындарға ие болды. Бұл – олардың тынымсыз еңбегі мен дайындықтарының нәтижесі.

Жеңімпаздарды шын жүректен құттықтай отырып, алдағы уақытта да білім мен өнер жолында үлкен жетістіктерге жете беруіне тілектеспіз!

Облыстық Абай оқуларында жүлделі ІІ орын

Ұлы ақын Абай Құнанбайұлының шығармашылығын насихаттауға арналған облыстық Абай оқулары биыл да жоғары деңгейде ұйымдастырылды. Аталған байқау жас ұрпақтың рухани дамуына ықпал етіп, әдебиетке деген қызығушылығын арттыруды мақсат етеді.

Сайыстың “Көңлім әнді ұғады” аталымы бойынша мектебіміздің 10 «Б» сынып оқушысы Нүптеке Каусар өнер көрсетіп, өз талантымен көпшілікті тәнті етті. Ол Абай әндерін орындауда ерекше шеберлік танытып, шығарманың мән-мағынасын терең жеткізе білді.

Қазылар алқасының шешімімен Нүптеке Каусар жүлделі ІІ орынға ие болды. Бұл – оқушының қажырлы еңбегі мен ұстаздарының жүйелі дайындығының нәтижесі.

Жас өнерпазды жеңісімен құттықтай отырып, алдағы уақытта да биік белестерді бағындыра беруіне тілектеспіз!

"Ұлт мақтынышы-Өзбекәлі" атты  ерекше мәнге ие оқырмандар сайысы өтті. Бұл білім мен өнерді ұштастырған тағылымы мол шара оқушылардың кітапқа деген қызығушылығын арттырып, олардың шығармашылық қабілеттерін шыңдауға бағытталды.

Сайыс бірнеше кезеңнен тұрды. Әр кезеңде қатысушылар өз білімдерін, көркем сөйлеу шеберліктерін және ойлау қабілеттерін жоғары деңгейде көрсете білді. Байқауға қаламыздың мектептерінен, сондай-ақ аудандық білім беру мекемелерінен келген дарынды оқушылар қатысты.

Шараның ерекше қонағы ретінде Санжар Керімбаев қатысып, оқушыларға жылы лебізін білдірді.

Жалпы сайысқа 25 оқушы қатысып, олардың арасынан үздіктер анықталды. Қазылар алқасының шешімі бойынша ең жоғары нәтиже көрсеткен үш оқушы жүлделі орындарға ие болып, бірінші, екінші және үшінші орындармен марапатталды.

Бұл сайыс – жас ұрпақты рухани байлыққа баулитын, кітап оқуға деген сүйіспеншілікті арттыратын маңызды шаралардың бірі. Осындай игі бастамалар алдағы уақытта да жалғасын табады деген сенім мол.

Мектебімізде ұлыстың ұлы күні – Наурыз мейрамы кең көлемде аталып өтті. Бұл күні мектеп іші ерекше мерекелік көңіл-күйге бөленіп, ұлттық дәстүрлеріміз дәріптелді.

Оқушылар мен ұстаздар ұлттық киім киіп, қазақ халқының салт-дәстүрлерін сахналап көрсетті. Әсем ән айтылып, күмбірлеген күй шертіліп, ұлттық ойындар ұйымдастырылды. Әр сынып өз өнерлерін ортаға салып, мерекенің сәнін келтірді.

Шара барысында қонақжайлылық пен бірлік, татулық құндылықтары кеңінен насихатталды. Дастархан жайылып, ұлттық тағамдар ұсынылды. Әсіресе, наурыз көже мерекенің ажырамас бөлігіне айналды.

Бұл мереке баршаға көтеріңкі көңіл-күй сыйлап, ұлттық рухты асқақтатты.

Ұлыс оң болсын,
Ақ мол болсын! ✨