"Екі жұлдыз" байқауы
Мектебімізде «2 Жұлдыз» байқауы ұйымдастырылып, оқушылар мен ұстаздардың өнерге деген сүйіспеншілігін тағы бір мәрте дәлелдеді.
Байқауға әр сыныптан құралған жұптар қатысты. Әр жұп сахнада өз өнерлерін көрсетіп, көрермендерге көтеріңкі көңіл-күй сыйлады. Қатысушылар заманауи және халық әндерін орындап, сахналық мәдениетімен, дауыс ерекшелігімен және үйлесімділігімен көзге түсті.
Қазылар алқасы өнерпаздардың вокалдық шеберлігіне, сахнада өзін ұстауына, шығармашылық жаңашылдығына ерекше мән берді. Әрбір жұп тыңғылықты дайындықпен келгені көрініп тұрды. Көрермендер де қатысушыларға ыстық ықылас білдіріп, зор қолдау көрсетті.
Байқау соңында жеңімпаздар арнайы марапаттармен және дипломдармен марапатталды.
«2 Жұлдыз» байқауы мектебіміздің мәдени өміріндегі жарқын оқиғалардың бірі болып есте қалды. Осындай шаралар оқушылардың талантын ашып, шығармашылық қабілетін дамытуға үлкен мүмкіндік береді
Бүгін 8-11 сынып оқушыларына лекция өткізілді
Бүгін мектебімізде 8-11 сынып оқушылары үшін жасөспірімдер істері жөніндегі учаскелік инспектор лейтенант Абдрахилова Дильноз Бахтияровна және учаскелік инспектор Сапаров К.К. лекция өткізді.
Лекция барысында инспекторлар оқушыларға құқықтық тәртіптің маңызы, заңға бағыну, жеке қауіпсіздікті сақтау және интернеттегі қауіпсіздік туралы айтып берді. Сондай-ақ, зорлық-зомбылыққа қарсы іс-қимыл және құқық бұзушылықтың алдын алу жолдарына тоқталды.
Оқушылар өздерін қызықтырған сұрақтарды қойып, нақты жауаптар алды. Мұндай кездесулер жасөспірімдерге жауапкершілік сезімін арттыруға және дұрыс шешім қабылдауға көмектеседі.
Оқу сапасын арттыруда сандық технологияларлың тиімділігі
Бүгін мектебімізе "Оқу сапасын арттыруда сандық технологияларлың тиімділігі " атты семинар өтті.Семинар барысында мұғалімдер сандық технологияларды қолдану бойынша өзара тәжірибе алмасып, интерактивті тақтаны оқу-тәрбие үдерісінде тиімді пайдаланудың жолдарымен бөлісті.
Шахмат жарысы!
Мектебіміздің шахмат үйірмесінің жаттықтырушысы облыстық шахмат жарысында жүлделі орындарға ие болды. Бұл жетістік – табанды еңбектің және жоғары шеберліктің нәтижесі. Жеңімпазды құттықтаймыз! ♟️
